Twitter thotë se do t’i lejojë punonjësit të punojnë nga shtëpia përgjithmonë

Të gjithë do të donin të punonin nga shtëpia, sidomos në këtë periudhë kur e gjithë bota është pushtuar nga koronavirusi. Këtë mundësi për punëtorët e vet e ka dhënë twitter, ku po planifikon  që punëtorët e vet të punojnë përgjithmonë nga shtëpia nëse dëshirojnë.

Me këtë vendim punonjësit e rrjetit social u njohën nga themeluesi, Jack Dorsey, i cili është i pari që sinjalizoi një normë të re pune për një kompani të madhe teknologjike që mund të shtrihet përtej krizës së shëndetit publik COVID-19.

Njoftimi vjen pasi Mark Zuckerberg i Facebook dhe Sundar Pichai i Google u kërkojnë punonjësve të punojnë nga shtëpia nëse është e mundur deri në vitin 2021.

“Twitter ishte një nga kompanitë e para që shkoi në një model pune nga shtëpia përballë COVID-19, por ne nuk parashikojmë që të jetë një nga të parat që kthehet në zyra,” tha Twitter në një deklaratë.

“Muajt e kaluar kanë dëshmuar që ne mund ta bëjmë atë punë. Kështu që nëse punonjësit tanë janë në një rol dhe situatë që u mundëson atyre të punojnë nga shtëpia dhe ata duan të vazhdojnë ta bëjnë këtë përgjithmonë, ne do ta bëjmë atë të ndodhë. Nëse jo, zyrat tona do të jenë shtëpia e tyre e ngrohtë dhe mikpritëse, me disa masa paraprake shtesë”, tha ai.