Tifozët e Monchengladbach i “japin jetë” stadiumit të tyre në derbin kundër Leverkusen

Me fillim nga ora 15:30, G’ladbach do të kërkojë fitoren kudër Leverkusen, për të vazhduar ëndrrën drejt titullit të Bundesligës.

Për t’i qëndruar afër skuadrës në këtë ndeshje, janë përkujdesur tifozët e Monchengladbach.

13 mijë tifozë kanë dërguar fotografi të tyre në kartona të cilat do të vendosen në tribuna, për të dhënë përshtypjen që ndeshja po zhvillohet me tifozë.

Secili tifoz për “prezencën” në stadium ka paguar 19 euro, shkruan lajmi.net.

Përveç dhënies jetë stadiumit, tifozët e Monchengladbach i kanë dhënë jetë edhe skuadrës së tyre, duke e ndihmuar financiarisht me këto pagesa, sado që janë modeste./Lajmi.net/