SHBA i jep mbi 2 milionë dollarë Shqipërisë për luftimin e koronavirusit

Shtetet e Bashkuara të Amerikës kanë dhuruar mbi 2 milionë dollarë për Shqipërinë për të përballuar pandeminë e koronavirusit.

Ambasadorja e Shteteve të Bashkuara në Shqipëri Yuri Kim, tha se kjo shifër u arrit pas shifrës më të fundit, prej 900 mijë dollarësh, siguruar nga qeveria amerikane për vendin tonë.

Sipas saj, këto fonde janë dhënë për laboratorë, gjurmimin e rasteve dhe ndihmën teknike.

Në total, thekson Kim, Shtetet e Bashkuara kanë ndihmuar Shqipërinë me 700 milionë dollarë që prej vitit 2000.
“Do të qëndrojmë gjithmonë krah miqve tanë dhe do të udhëheqim luftën kundër kërcënimeve globale”.

Në përmbledhjen e Departamentit të Shtetit thuhet se në 20 vitet e fundit, nga e gjithë shuma prej gati 700 milionë dollarësh që Shtetet e Bashkuara kanë investuar në Shqipëri, gati 52 milionë dollarë kanë shkuar për shëndetësinë.

US is providing add’l $900K to Albania for #COVID19, bringing total to >$2M for labs, case tracking & technical assistance. This builds on $700M in total assistance since 2000. US will always stand with friends and lead the fight against global threats. https://t.co/hCCmnmFxM4

— Ambassador Yuri Kim (@USAmbAlbania) May 20, 2020