Rakitic në radarin e Tottenham Hotspur

Mesfushori i Barcelonës, Ivan Rakitic, është në mesin e lojtarëve më të komentuar para merkatos së verës.

Rakitic ka humbur pozitën e titullarit te skaudra e tij dhe po sheh për ndonjë mundësi të re që ta vazhdojë karrierën e tij.

Emri i tij është lidhur më së shumti me një kalim në Serie A, kur kroati afrohej me Inter, por së fundmi situata duket të ketë ndryshuar.

‘Mundo Deportivo’ shkruan se Tottenham kanë shfaqur interesim për Rakitic, transmeton lajmi.net.

Skuadra angleze pritet të jetë destinacioni i lojtarit për të ardhmen e tij.

Spurs mund të tentojnë ta përfshijnë Rakitic në një marrëveshje për Tanguy Ndombele, lojtarin të cilin Barcelona po e pëlqen së fundmi. /Lajmi.net/