Lajme
Përfundon takimi i Metës me ambasadorët e vendeve të BE

Ka përfunduar takimi i Presidentit të Shqipërisë, Ilir Meta me ambasadorët e vendeve të BE, ndërkohë që ende nuk dihen më shumë detaje.
Në një deklaratë zyrtare pas takimit me opozitën Presidenca njoftonte se: “Kreu i Shtetit shprehu shqetësimin e thellë për ngjarjen e fundit të shembjes së paligjshme të Teatrit Kombëtar dhe e cilësoi atë si provokim për demokracinë, shtetin ligjor, por edhe për Opozitën e Bashkuar dhe natyrisht ndaj vlerave europiane.
Presidenti Meta i informoi për përpjekjet dhe propozimin prej Tij të një platforme konkrete gjithëpërfshirëse për integrimin europian.
Presidenti Meta theksoi rëndësinë që Opozita e Bashkuar të japë kontributin e saj në Këshillin Politik për të treguar vullnetin për rikthimin e legjitimitetit të të gjithë institucioneve përmes zgjedhjeve të lira e të ndershme”, thuhet në njoftim.
Meta gjithashtu njohu drejtuesit e opozitës për përpjekjen dhe propozimin prej tij të një platforme prej 11 pikash për integrimin evropian. Platofrma ka dy shtylla: Drejtësia dhe integrimi.
Me këtë plaftormë prej 11 pikash janë njohur edhe ndërkombëtarët, raporton Tch.
















