Makina iu nda më dysh në Itali, humb jetën shqiptari në ditën e tij të lindjes

Një aksident fatal ka ndodhur mëngjesin e sotëm në Itali. Një shqiptar ka humbur jetën pikërisht në ditën e tij të lindjes.

Incidenti i rëndë automobilistik ka ndodur në autostradën që të çon për në Bolonja. Sipas mediave italiane, viktima është Sokol Keci.

Ai ishte banor në Rosolina dhe sot do të mbushte 46 vjeç. Makina e tij ka dalë nga rruga dhe është përplasur me muret mbrojtëse.

Nga përplasja fatale, automjeti është çarë në dysh, duke përplasur edhe një furgon. Shoferi i furgonit ndërkohë ndodhet jashtë rrezikut për jetën.