Lehtësim për DFL – testet e dyta të FC Koln dalin negative

Skuadra e Koln ishte skuadra e vetmë që testoi pozitive (tri raste) në testet e para për koronavirus.

Sot, te skuadra gjermane janë kryer edhe testet e dyta, kur për fat të mirë nuk ka rezultuar asnjë rast pozitiv, transmeton lajmi.net.

Kjo situatë lehtëson paksa ligën gjermane, pasi ata po përgatiten për një rikthim sa më të shpejtë në fushat e blerta.

Koln do të vazhdojë sot me seancat stërvitore, përkundër reagimit të disa prej lojtarëve të skuadrës.

Gjatë ditës pritet të dalin edhe rezultatet e testimeve të skuadrave të tjera nga Bundesliga. /Lajmi.net/