Krasniqi: Pavarësisht rasteve të reja, po shkojmë drejt fundit të pandemisë

Infektologu Valbon Krasniqi ka treguar se në Klinikën Infektive janë të shtrirë 12 pacientë.

Ai për RTV Dukagjinin ka thënë se 8 prej këtyre pacientëve janë në gjendje të mirë shëndetësore, dy të tjerë kanë nevojë për oksigjenoterapi ndërsa dy prej tyre janë në rapartin intenziv.

“Duke marrë parasysh kohën prej që kur ka fillu pandemia e deri tash që kanë kalu më shumë se dy muaj, unë mendoj që jemi duke shkuar drejt fundit të pandemisë. Gjasat janë të mira që jemi duke shkuar drejt pandemisë. Edhe përkundër zbutjes së masave qytetarët duhet ta dinë se ende jemi në pandemic dhe s’duhet të relaksohemi në tërësi që të mos kemi përhapje të sërishme të pandemisë”, ka thënë Krasniqi.

“Para se gjithash duhet marrë parasysh dendësinë dhe madhësinë e popullatës, kapacitetet e sistemit shëndetësorë deh faktorët epidemiologjikë në terren”, tha ai, përcjell Telegrafi.

Krasniqi ka thënë se pavarësisht oshilimeve në ditët e fundit sa i përket të prekurve me COVID-19, Kosova po shkon drejt fundit së pandemisë.

“Kam thënë se asnjë pandemi nuk përfundon menjëherë. Megjithatë duhet ta dimë që ende virusi është prezent tek ne dhe nuk duhet të relaksohemi në tersi në mënyrë që të mos na përsëritet ndonjë shkallë e lartë e transmetueshëmrisë së virusit”.

Infektologu ka thënë se nëse virusi nuk pëson ndonjë mutacion të madh edhe nëse kthehet në shtator nuk do ta ketë agresivitetin siç e ka pasur tani.