I padituri Blerim Latifi fyen ashpër paditësin Driton Tali dhe ia përmend sërish takimet me Thaçin

Profesori universitar Blerim Latifi ka reaguar pasi mori lajmin se është paditur nga ana e këshilltarit të Kurtit, Driton Talit mbi pretendimet e tij për servilizmin e këtij të fundit ndaj presidentit Thaçi në vitin 2010. 

Tali ka njoftuar me anë të një statusi në Facebook se e ka paditur Latifin për këto pretendime, megjithëse nuk ka ngurruar që ta fyejë këtë të fundit madje duke e përdorur edhe një frazë të çuditshme si “UDB-ashi brina s’ka”.

UDBA ishte akronimi i shërbimit të sigurimit shtetëror jugosllav (Uprava Državne Bezbjednosti).

Latifi e ka shpërfillur një akuzë të tillë ndërkohë që është marrë në statusin e ri vetëm me padinë që Tali ka ushtruar ndaj tij.

Ai e ka quajtur “të padijshëm, sharlatan dhe analfabet” Talin ndërkohë ka ngulmuar se ngjarja në fjalë ka ndodhur.

“Takimet e tij me kryeministrin Thaçi në pranverën e vitit 2010 janë gjëra publike, të njohura nga të gjithë në ato kohë. Edhe ato në zyren e Thaçit.” – shkruan ai .

Statusi i plotë: 

Driton Tali-Kali po mendon se me tremb me padinë e tij. Se është i padijshëm dhe sharlatan e tregon qysh ne fjalinë e tij të parë ku shkruan se me “sabah ju kurdis padia Blerim Latifit”. Shikoni sa analfabet është: nuk di të dalloj fjalët “padis” dhe “kurdis”. Në fakt, e tërë e ashtuquajtura “padi e tij” është kurdisje e tij prej mjerani. Takimet e tij me kryeministrin Thaçi në pranverën e vitit 2010 janë gjëra publike, të njohura nga të gjithë në ato kohë. Edhe ato në zyrën e Thaçit. Me padi të shpifura nuk mundet t’i fsheh servilosjet e tij të dikurshme dhe t’i arsyetoj ato të sotmet. Unë nuk i trembem as këtij mjerani dhe askujt tjetër, sepse kurrë në jetë se kam futur në pazar nderin dhe krenarinë time. Rrjedhimisht as drejtësisë, e cila Driton mjeranit do t’ia përplas fytyrës gomarllëqet e tij.