Glauk Konjufca në mbledhjen e Qeverisë: Raporton në 3 minutat e caktuar nga Kurti  

Ministri në detyrë i Punëve të jashtme, Glauk Konjufca, ka raportuar para kryeministrit në detyrë, Albin Kurti, për punën që ka bërë gjatë 100 ditëve si ministër.

Konjufca ka përmendur kërkesën që ia ka bërë Daciqit për ‘rastin e Ukshin Hotit’ e më pas ka folur lidhur me vështirësitë e riatdhesimit të qytetarëve në kohë pandemie.

“Kemi arritur t’i kthejmë pak më shumë se gjysmën sesa që kanë kërkuar. Numri i të kthyerve është vendosur në bashkëpunim me Ministrinë e Shëndetësisë e cila ka qenë në bashkëpunim të plotë me IKShP-në”, ka thënë Konjufca.

Kujtojmë se Konjufca ditëve të fundit, ka qenë temë e mediave për shkak se kishte munguar në një mbledhje të Këshillit të Përgjithshëm të Vetëvendosjes.

Periskopi kishte raportuar për herë të parë lidhur me përcarjen e mundshme të Vetëvendosjes, duke u thirrur në burime brenda kësaj partie, mirëpo një gjë e tillë, më vonë u mohua nga eksponentë të kësaj partie, megjithëse z.Konjufca nuk kishte folur vetë asnjëherë për këtë cështje. /Periskopi/