Befason Suedia, nuk iu bën teste lojtarëve dhe trajnerëve para ndeshjeve

Përkundrazi, ata do të duhet të plotësojnë çdo mëngjes një formë të vetëvlerësimit dhe ta dërgojnë me email tek mjeku i tyre i klubit jo më vonë se dy orë para se të arrinin për stërvitje, ose para se të arrinin në një stadium për një ndeshje. Mjeku më pas do të vlerësojë nëse lojtarët dhe trajnerët janë mjaft të shëndetshëm për të marrë pjesë.

Ata duhet të qëndrojnë në shtëpi nëse kanë simptoma, transmeton lajmi.net.

Protokollet e kthimit në fushë për stërvitje dhe ndeshje profesionale, të cilat u publikuan nga Liga Suedeze të martën, janë paraqitur pranë Autoritetit të Shëndetit Publik të vendit.

Autoriteti pritet të vendosë këtë javë nëse dy ligat më të mira suedeze mund të fillojnë muajin tjetër. Ata shpresojnë të fillojnë ndeshjet në 14 qershor, më shumë se dy muaj pas datës fillestare të planifikuar.

Kujtojmë se Suedia është një nga vendet e rralla që mori masa jo shumë të ashpra kundrejt mbrojtjes nga Covid-19. /Lajmi.net/