Bashkimi Evropian mund të aprovojë shitjen e Remdesivirit për trajtimin e koronavirusit

Bashkimi Evropian mund të japë një dritë fillestare jeshile në ditët në vijim për shitje të Remdesivirit si një trajtim për COVID-19, ka thënë të hënën kreu i agjencisë së saj të ilaçeve, duke përcjellur me shpejtësi ilaçin në treg në mes të konkurrencës së ngushtë globale, raporton Cnn, transmeton lajmi.net.

Shtetet e Bashkuara, të cilat kanë zemëruar BE-në me taktika agresive në një garë të prokurimit gjatë pandemisë globale, ende nuk ka lëshuar një aprovim të ngjashëm për ilaçin, bërë nga kompania farmaceutike amerikane Gilead.

Kërkesa për Remdesivir është në rritje pasi aktualisht nuk ka trajtime ose vaksina të aprovuara për COVID-19, sëmundja e frymëmarrjes e shkaktuar nga koronavirusi i ri.

“Mund të jetë që një autorizim i tregut me kusht, mund të lëshohet në ditët e ardhshme,” tha kreu i agjencisë së ilaçeve të Bashkimit Evropian Guido Rasi të hënën në një seancë dëgjimore në Parlamentin e BE në Bruksel, transmeton lajmi.net.

Një autorizim i marketingut me kusht të BE lejon që një ilaç të shitet për një vit në bllokun 27-vendesh përpara se të gjitha të dhënat e nevojshme të jenë në dispozicion për efikasitetin e tij dhe efektet anësore, raporton Reuters.

Agjensia Evropiane e Barnave (EMA) ka rekomanduar tashmë përdorimin e Remdesivir, i cili lejon që një ilaç të administrohet tek pacientët edhe para se të autorizohet shitja e tij.