Arrestohen në Kosovë dy persona të shumëkërkuar në Maqedoni

Besim Krasniqi dhe Fadil Toçi, të cilët u kërkuan me urdhër të lëshuar nga Ministria e Brendshme për krime të rënda, u arrestuan nga Ministria e Brendshme e Kosovës javën e kaluar, tha sot ministri i Brendshëm, Naqe Çulev në profilin e tij në Facebook.

Aksioni për arrestimin e dy personave, siç thekson ai, u krye në bashkëpunim dhe komunikim të drejtpërdrejtë midis Interpolit në Prishtinë dhe policëve nga Ministria e Brendshme në vendin tonë.

“Sipas informacionit që posedoj, procedurën e mëtejshme për ekstradim e koordinon Ministria e Drejtësisë”, tha Çulev, duke shtuar se Ministria e Brendshme vazhdon të marrë masa dhe aktivitete për zbatimin e plotë dhe jo selektiv të ligjit.