Aktivistët e Vetëvendosjes bëjnë provë për protesta sipas planit të Rron Gjinovcit

‘Po bëhen prova për protesta’ në sheshin “Skënderbeu” në Prishtinë po thuhet nga disa aktivistë të Vetëvendosjes.

Disa pjesëtarë dhe aktivistë të Vetëvendosje janë tubuar në qendër të Prishtinës duke thënë se po bëjnë prova për protesta gjatë ditës së sotme.

Në disa video të publikuara në rrjetet sociale ata shihen duke respektuar distancën dhe të pajisur me doreza dhe maska.

Këto video janë publikuar në grupin më mbi 300 mijë përdorues “meKryeministrin” në Facebook.

Policia tha se ky grup nuk ka kërkuar leje për protestë në polici dhe nuk dihet se kush e ka organizuar.

Natyrisht ata ju janë mirëmbajtur planit të Rron Gjinovcit, i cili përkrahë Vetëvendosjen dhe po i bën gati një protestë në kohë pandemie duke mos dashur formimin e Qeverisë Hoti, por njëjtë sikurse lideri i VV’së, Albin Kurti.

Organizatorët e kësaj proteste, Rron Gjinovci, ditë më parë ka thënë se kanë diskutuar për krijimin e një grupi të ri të organizimit të protestave që kërkojnë zgjedhje në vendin tonë.

“Pavarësisht vendimit të Gjykatës Kushtetuese, i cili do të tregojë për rrugët legale të organizimit institucional, të cilin vendim të gjithë ne duhet ta respektojmë institucionalisht, si qytetarë na takon e drejta për të protestuar duke kërkuar zgjedhje të reja si legjtimitet politik e demokratik i kujtdo që mendon ta udhëheqë vendin në emër të qytetarëve të tij. Gjykata punën e saj, ne punën tonë”.