U tha që La Liga do të përfundojë, vjen reagimi nga Spanja

Në Spanjë, këto ditë ka pasur shumë spekulime se sezoni mund të përfundojë, në bazë të rezultateve të arritura nga pjesa e parë e kampionatit.

Por, është RFEF që ka hedhur poshtë këto pretendime, duke thënë se ende nuk është marrë asnjë vendim për sezonin 2019/2020.

“RFEF nuk ka vendosur asgjë për momentin, asgjë në lidhje me këtë, dhe shpreh keqardhje të thellë për ekzistencën e teksteve të tilla që mund të shkaktojnë dezinformim”, thuhet në njoftimin e Federatës së Futbollit të Spanjës, përcjell lajmi.net.

Sipas zhvillimeve të fundit, lojtarët e La Ligas do të mund të kthehen në stërvitje pas 4 majit, teksa vazhdimi i sezonit shpresohet të bëhet pas datës 5 qershor./Lajmi.net/