Tre lojtarët që e kanë të sigurt qëndrimin te Barcelona

Skuadra nga La Liga po planifikon një rikonstruktim të skuadrës me transferime duke iu përshtatur edhe implikimeve që ka sjellë kriza e koronavirusit.

Barcelona dëshiron të shkojë pas objektivave të tyre, përfshirë Neymar dhe Lautaro Martinez, por planifikon që në këto marrëveshje të përfshijë futbollistët e shtrenjtë që ka në skuadër.

Messi, De Jong dhe Ter Stegen, janë lojtarët e vetëm që nuk rrezikojnë të jenë pjesë e këtyre marrëveshjeve, përcjell lajmi.net.

Presidenti i Barcës, Josep Maria Bartomeu tha muajin e kaluar që klubi do të jetë konkurrues edhe pasi të kalojë kjo gjendje, por se marrëveshjet që do të bëhen, do të duken më ndryshe./Lajmi.net/