Ramadani: Do të doja të rrija në karantinë, por duhet të jem në vijën e parë të fronit

Drejtori i Institutit Kombëtar të Shëndetit Publik të Kosovës, Naser Ramadani, ka thënë se nëse nuk do të ishte në vijën e parë të fronit, si profesionist, natyrisht se do të donte të qëndronte në karantinë.

Në një intervistë për RTK’në ai shtoi se puna e tij është që të dal për të luftuar këtë pandemi që ka kapluar Kosovën dhe gjithë globin.

“Unë do doja të rrija në karantinë, por detyra ime është të dal në vijën e parë të fronit, duhet t’i dal në ballë pandemisë”, tha ai.

Ramadani tutje shtoi se qytetarët duhet të qëndrojnë në shtëpi, ngase profesionistët po përkujdesen për menaxhimin e situatës.

“Dikush duhet të dal në vijën e parë për të menaxhuar situatën e dikush duhet të rrijë në kokërr të shpinës në shtëpi, këtë po kërkojmë”,përfundoi Ramadani.