Liderët botërorë marrin një letër: Koronavirusi mund ta dyfishojë numrin e njerëzve të uritur

Furnizimi me ushqime anë e mbanë botës do të jetë “masivisht i ndërprerë” nga koronavirusi, dhe nëse qeveritë nuk veprojnë numri i njerëzve që vuajnë nga uria kronike do të dyfishohet, kanë alarmuar disa prej kompanive më të mëdha ushqimore në botë.

Unilever, Nestle dhe PepsiCo, bashkë me organizatat bujqësore, Fondacionin e OKB-së, akademikët, dhe grupe të shoqërisë civile, iu kanë shkruar liderëve botërorë, duke iu bërë thirrje që t’i mbajnë kufijtë hapur për tregti në mënyrë që të ndihmohen njerëzit më të rënduar të shoqërisë, dhe të infestohet në prodhime ushqimore ambientalisht të qëndrueshme.

Ato iu bëjnë thirrje qeverive që të “marrin veprime urgjente e të koordinuara që të parandalojnë pandeminë Covid=19 që të shkaktojë krizë humanitare”.

Mbajtja e hapur e tregtisë do të jetë kyçe, siç do të jetë edhe investimi në zinxhirët e furnizimit me ushqime, dhe mbrojtja e bujqve në vendet e zhvilluara dhe në zhvillim, thonë ata, transmeton Periskopi nga The Guardian.

Samiti i G20-s po vjen nën presionin e rritur për të vepruar: një grup ekonomistësh që kanë fituar çmimin Nobel i kanë shkruar forumit duke e këshilluar që triliona dollarë do të nevojiteshin për të ndihmuar botën në zhvillim që të përballonte pandeminë e Covid-19shit.

Këtë javë më shumë se 100 ish liderë qeverish, përfshirë Tony Blairin, Gordon Brownin dhe Nicolas Sarkozyn, i bënë thirrje G20-s që të vepronte urgjentisht në mënyrë që të mos rrezikonte një shpërthim të ri.

Megjithatë, pak veprime të koordinuara pritet të bëhen. /Periskopi