Lajçak përzgjedh çuditshëm politikanët me të cilët foli sot: Vjosa Osmani, Lutfi Haziri dhe Fatmir Limaj

I dërguari i BE-së për dialogun mes Kosovës dhe Serbisë, sllovaku Miroslav Lajçak, ka njoftuar sot që ka biseduar në telefon me kryetaren e Kuvendit, Vjosa Osmanin, nënkryetarin e LDK-së, Lutfi Hazirin dhe kreun e Nismës Socialdemokrate, Fatmir Limajn.

Me anë të një postimi në Twitter, Lajçak ka thënë se bisedat e tij me tre politikanët kosovarë ishin rreth përgatitjeve për rifillimin e dialogut Prishtinë-Beograd dhe rreth situatës në Kosovë.

“Po vazhdoj afrimin tim me rajonin. Kam folur me Vjosa Osmanin, Lutfi Hazirin e Fatmir Limajn sot. Patëm biseda konstruktive rreth përgatitjeve për vazhdimin e dialogut dhe situatës në Kosovë,” ka thënë Lajçak.

Continuing my outreach to the region, I spoke to @VjosaOsmaniMP, @LutfiHaziri, @FatmirLimaj today. We had constructive and useful talks on preparations to resume the Dialogue and the situation in Kosovo. Looking forward to working together for the benefit of all people in the WB

— Miroslav Lajčák (@MiroslavLajcak) April 16, 2020

Nuk dihet pse z.Lajçak ka bërë këtë përzgjedhje të politikanëve kosovarë për të diskutuar për dialogun.

Sllovaku ka qenë i kontestuar në pozicionin e tij nga Partia Demokratike e Kosovës dhe presidenti i vendit Hashim Thaçi për shkak se Sllovakia nuk njeh pavarësinë e Kosovës.