Koronavirusi: Kthimi i Boris Johnsonit si kryeministër në punë do t’i japë “shtytje të madhe vendit”

Kthimi i Boris Johnsonit, kryeministrit britanik, në punë të hënën pas më shumë se tri javësh në pauzë shëndetësore do të jetë një “shtytje për vendin”, ka thënë zëvendësi i tij.

Kryeministri do të vazhdojë detyrat e tij me orar të plotë në Downing Street pas një pushimi dyjavor mjekësor shkaku i infektimit me koronavirus.

Sekretari i Punëve të Jashtme, Dominic Raab, e ka zëvendësuar atë në detyrë gjatë kësaj mungese të gjatë, shkruan BBC, përkthen Periskopi.

Gjatë hospitalizimit të tij, atij i ishte dhënë trajtim me osigjen për ta ndihmuar me procesin e frymëmarrjes pasi gjendja i ishe rënduar shumë.

Pasi u lirua nga spitali më 12 prill, z.Johnson tha se gjendja e tij mund të “përkeqësohej tepër shumë” dhe lavdëroi stafin e Spitalit në St.Thomas.

Por, javën e kaluar ai foli me Mbretëreshën dhe me Presidentin amerikan Donald Trump dhe po ashtu u takua me ministrat e tij të lartë, përfshirë z.Raab.

Raab i tha BBC-së se ishte mirë që kryeministri po kthehej dhe se ky kthim “do të përbënte një shtytje të madhe për qeverinë dhe shtytje të madhe për vendin.” /Periskopi