Futbollistët e Premierligës kërkojnë anulimin e sezonit

Që nga muaji mars, pothuajse të gjitha ligat janë pezulluar shkaku i koronavirusit, dhe së fundi janë duke u bërë plane për rifillimin e këtij sezoni, gjë e cila po has në vështirësi të mëdha.

Derisa klubet në ligat e mëdha po insistojnë një gjë të tillë shkaku i humbjeve të mëdha, janë lojtarët që po deklarohen kundër futbollit në kohën e pandemisë.

Një numër në rritje i lojtarëve të Premierligës nuk duan të luajnë gjatë krizës së koronavirusit në atë që është një goditje e madhe për shpresa e ligës për rinisjen e këtij sezoni, kanë thënë burimet për ESPN, përcjell lajmi.net.

Në burim në një klub në Premierligë i ka thënë kësaj medie se shumë lojtarë nuk ndjehen mirë me rikthimin.

Të premten drejtues të Premierligës do të takohen për një vendim shumë të rëndësishëm rreth këtij sezoni, por pengesat e paraqitura nga lojtarët, nuk do të jenë të lehtas për t’u kaluar.

Në rast të anulimit të sezonit, Liverpool do të pësonte më së shumti, që po kërkon titullin e parë në Premierligë pas pritjes së gjatë prej 30 viteve./Lajmi.net/