“Evropa dhe SHBA’ja mund të goditen nga 4 valë të koronavirusit, nëse pandemia e pushton Afrikën”

Amerika dhe Evropa janë të ekspozuara ndaj rrezikut të mundshëm të goditjes nga 4 valë të konoravirusit, nëse lejohet “pushtimi” i Afrikës nga pandemia, kështu paralajmëroi një ekspert i Organizatës Botërore të Shëndetësisë.

Drejtuesi i Qendrës për të Drejtat e Njeriut dhe Shëndetit Publik pranë OBSH, profesori Lawrence Gostin paralajmëroi se nëse gjendja pandemike e Covid-19 del “jashtë kontrollit” në vendet e Afrikës, atëherë Europa dhe Shtetet e Bashkuara të Amerikës mund të goditen nga disa valë infektimi nga koronavirusi, që mund të shkojnë dhe 4 herë.

Në një interviste për mediat britanike, Profesori Gostin u shpreh se: “Covid-19 është duke udhëtuar si një ortek drejt vendeve afrikane.

‘Madje edhe nëse vendet si Shtetet e Bashkuara të Amerikës dhe Europës të cilët mund të arrijnë ta mbajnë epideminë Covid-19 nën kontroll, nëse do të ketë shpërthime në vendet të tjera të botës, duke qenë se jetojmë në një shoqëri në të cilën të gjithë jemi të ndërlidhur, virusi ka për t’u rikthyer si në Europë edhe në Amerikë”, shtoi Gostin.