Covid 19/ Kërkohet pajisje për mjekët në Kërçovë

Edhe testet e fundit të realizuara përmes terminit të caktuar nga mjeku amë, në punktin e Qendrës spitalore të Kërçovës kanë rezultuar negative. Por Shtëpia e Shëndetit në Kërçovë vazhdon të ballafaqohet me mungesën e paisjeve dhe preparateve mbrojtëse për personelin mjeksor, edhe përkundër thirrjeve të drejtuesve të këtij institucioni, për ndihma dhe furnizime me mjetet elementare mbrojtëse, për ata që ndodhen në vijën e parë të frontit kundër virusit Kovid 19, raporton TVM2.

Përgjithsisht janë respektuar masat qeveritare për preventive nga virusi korona. Përjashtim bëjnë disa individë të cilët nuk kanë respektuar kufizimet gjatë orës policore apo masat e vetë-izolimit, dhe organet kompetente ndaj tyre kanë ngritur padi penale.

Zëdhënësi i Sektorit për Punë të Brendshme Stefan Dimoski, njoftoi se Njësia e Punëve të Brendshme në Kërçovë ka parashtruar padi penale kundër 52 vjeçarit me inicialet S.A. nga fshati Shutovë dhe personit me inicialet B.S. 46 vjeç nga Kërçova, pasiqë ata e kanë thyer masën e vetë-izolimit.

Krahasuar me javën e parë të vendosjes së masave qeveritare, tregtarët dhe subjektet afariste, gjatë ditëve të fundit, i kanë respektuar në tërësi masat preventive ndaj virusit Korona./TVM2/