Arsenal afër rikthimit në stërvitje – masa strikte për lojtarët

‘Gunners’ pritet të bëjnë një hap tejet të rëndësishëm drejt rikthimit në normalitet, duke planifikuar rikthimin në fushat stërvitore.

Skuadra ka njoftuar se lojtarët mund të rikthehe në fushën stërvitore ‘London Colney’ gjatë së hënës, por ata duhet të respektojnë disa masa, si ajo e distancës sociale, transmeton lajmi.net.

“Lojtarët mund të kenë akses në fushën tonë stërvitore gjatë javës tjetër, me kujdes dhe distancë sociale”, ka thënë një zëdhënës i klubit.

“Ndërtesat e Colney mbeten të mbyllura. Lojtarët do të udhëtojnë të vetmuar, do të bëjnë stërvitjet individuale dhe të rikthehen në shtëpitë e tyre”, thuhet tutje.

Arsenal ishte një nga skuadrat që pati të prekur edhe direkt nga koronavirusi, siç ishte rasti i trajnerit Mikel Arteta. /Lajmi.net/