Arrihet Marrëveshja historike: Fuqitë e mëdha të naftës bëhen bashkë që të mos ulet çmimi i saj

Prodhuesit më të mëdhenj të naftës në botë kanë arritur një marrëveshje historike që të ndërpresin prodhimin global të naftës për gati 10 për qind në mënyrë që të mbrojnë tregun nga impakti i pandemisë së koronavirusit.

Anëtarët e kartelit të naftës Opec dhe aleatët e tyre u pajtuan që të tërheqin gati 10 milionë barrela në ditë duke nisur nga muaji i ardhshëm e derisa të largohet pandemia e Covid-19.

Marrëveshja më e madhe e prodhuesve të naftës është dyfishi i shkurtimeve të prodhimit, pas krizës financiare dhe armëpushimit në luftën e çmimeve të naftës mes Arabisë Saudite, dhe liderit de fakto të Opecut, Rusisë, shkruan Periskopi.

Aleanca, e njohur si Opec+, u pajtua për shkurtimin e prodhimit pas më shumë se një jave bisedash të tensionuara mes kombeve më prodhimtare të naftës në botë.

Marrëveshja e planifikuar e bashkëpunimit erdhi vetëm pas disa javësh pasi Rijadi dhe Moska ishin zotuar të shtonin prodhimin, pavarësisht ngadalësimit ekonomik shkaku i koronavirusit, në një përpjekje për të pretenduar më shumë fuqi në treg.

Çmimi i naftës kishte rënë në shifra rekorde në tetëmbëdhjetë vitet e fundit, derisa frika për një recesion global ekonomik rritet.

Presidenti amerikan Donald Trump falenderoi në Twitter presidentin e Rusisë Vladimir Putinin dhe Mbretin Salman të Arabisë Saudite, që sipas tij, “do t’i shpëtonte qindra mijëra vende pune në sektorin e energjisë Në ShBA”. /Periskopi