Aliu, Kurtit: “Pasi qenkan aktivista të VV-së, jepjau një apel”

Kryeministri i shkarkuar Albin Kurti, ka vizituar sot komunën e Ferizajt ku është takuar me kryetarin, Agim Aliu.

Para se të niste konferenca janë dëgjuar disa persona, përkrahës të Kurtit duke brohoritur. Dikush nga të pranishmit u tha atyre që të mbajnë distancën.

Por reagimi i kryetarit të Ferizajit Agim Aliu,  shkaktoi të qeshura, përcjell Periskopi.  Ai i tha Kurtit me të qeshur se meqë qenkan aktivistë të VV-së, të u drejtohet me një apel.

“Pasi që qenkan aktivistë të VV-së, jepja një apel”, i është drejtuar ai Kurtit.