Agjenti i Milik konfirmon të ardhmen e klientit të tij

Milik ishte pritur gjerësisht të largohej nga Napoli në fund të sezonit, me kontratën e tij që skadon në vitin 2021 dhe lëvizja te Milani, Atletico Madridi dhe madje edhe Juventus u përmendën.

Sidoqoftë, David Pantak tani ka mohuar ‘thashethemet’ për të ardhmen e polakut dhe konfirmoi se qëndrimi në San Paolo është një mundësi serioze.

“Sa i përket gjithçkaje që del në medie ditët e kaluara, dua të sqaroj se ato janë vetëm thashetheme, disa prej tyre madje nuk respektojnë Napolin si një klub”, i tha Pantak Calciomercato.it, transmeton lajmi.net.

“Unë jam në kontakt të vazhdueshëm me drejtorin sportiv të Napolit, bisedat tona mbi rinovimin e [Milik] kanë mbetur aktive”.

“Në fund të kësaj periudhe të vështirë për të gjithë, ne do të takohemi dhe do të përpiqemi të gjejmë një zgjidhje”. /Lajmi.net/