Vuçiq: Pajtohem me Kurtin se marrëveshja nuk mund të arrihet nën presion e kërcënime

Presidenti serb Aleksandar Vuciq, tha sot se ai pajtohet plotësisht me deklaratën e Albin Kurtit se marrëveshjet nën presion nuk mund të arrihen.

Kurti në një shkrim të publikuar në gazetën gjermane FAZ ka dërguar një mesazh për amerikanët, duke thënë se një marrëveshje e arritur nën presion dhe kërcënime nuk vlen as sa letra në të cilën do të vihen nënshkrimet.

“E Kjo është e vetmja gjë me të cilën jam dakord me Kurtin”, ka deklaruar Vuçiq, shkruan B92.

Ai tha se ai do të përsëriste këtë qëndrim të  Kurtit ku do të që shkojë.

Tutje kreu i shtetit serb ka thënë se do të presin derisa të hiqet taksa plotësisht, ndërkohë ka potencuar se nuk do të thonë faleminderit për diçka të tillë shkaku i dëmit të madh që i është shkaktuar Serbisë.

Rreth deklaratave të Kurtit për reciprocitetin, Vuçiq ka thënë se nuk pranon të flasë pasi për të një gjë e tillë është ‘marrëzi’. /Periskopi/