Kryeministri Albin Kurti, nënkryetarja e Kuvendit nga radhët e Vetëvendosjes, Arbërie Nagavci dhe shefi i grupit parlamentar të këtij subjekti politik, Rexhep Selimi, ishte ndër më të zëshmit në seancën e votimit të buxhetit, duke e quajtur gjendjen e jashtëzakonshme për shkak të Coronavirusit.
Në mbështetje të tyre kishte dalë edhe kryeparlamentarja Vjosa Osmani, që po ashtu e kishte quajtur gjendjen të jashtëzakonshme.
Ndërsa, tani, pas votimit të buxhetit, ata që thirreshin në emergjencën e votimit të buxhetit për shkak të gjendjes së jashtëzakonshme të shkaktuar nga Coronavirusi, po e kundërshtojnë shpalljen e gjendjes së jashtëzakonshme me arsyen që nuk është më e tillë.
Siç shihet edhe nga kjo video që po qarkullon në rrjete sociale, Vetëvendosje në Kuvend thotë se gjendja është e jashtëzakonshme, kurse Vetëvendosje në Qeveri po e kundërshton shpalljen e gjendjes së jashtëzakonshme nga ana e presidentit Thaçi.
Kur iu dashtë ta votojnë me shpejtësi buxhetin thanë se është gjendje e jashtëzakonshme. Kurse, tash kur presidenti Thaçi mori hapa konkretë për ta shpallur gjendjen e jashtëzakonshme, të njëjtin po thonë që nuk është e nevojshme dhe gjendja është tërësisht nën kontroll./Periskopi/
