Veseli: Mos bëni panik, Kosova ka mjekë të mrekullueshëm dhe ne u besojmë atyre

Kryetari i PDK-së, Kadri Veseli ka reaguar pas lajmit se dy persona janë infektuar me virusin korona.

Veseli u ka bërë apel të gjithë qytetarëve të Kosovës që të mos bëjnë panik por vetëm të shtohet kujdesi.

Shkrimi i plotë:

Konfirmimi i dy rasteve me coronavirus në vendin tonë duhet të na shtojë kujdesin, por jo panikun. Kosova ka mjekë të mrekullueshëm dhe ne u besojmë atyre.
Lus të gjithë qytetarët që të përcjellin dhe respektojnë udhëzimet e profesionistëve shëndetsorë se si ta mbrojmë veten dhe njëri-tjetrin.