Thaçi falënderon Trumpin: Angazhimi i drejtpërdrejtë amerikan ka sjellë dinamikë të re në dialog

Presidenti Hashim Thaçi e ka falëndëruar presidentin amerikan Donald Trump për mbështetjen që po i jep dialogut mes Kosovës dhe Serbisë.

Ai në Twitter ka thënë se angazhimi i drejtpërdrejtë i SHBA-ve përmes Këshilltarit për Siguri Kombëtare Robert  O’Brien dhe të Dërguarit të Posaçëm të presidentit amerikan për dialogun Richard Grenell ka sjellë dinamikë të re në këtë proces.

“Falemnderit sërish Donald Trump për mbështetjen që po i jep dialogut mes Kosovës dhe Serbisë. Angazhimi i drejtpërdrejtë përmes Robert O’Brien dhe Richard Grenell ka sjellë një dinamikë të re në këtë proces. Ne presim që ky proces të përmbyllet me njohje reciproke së shpejti”, ka shkruar ai kur e ka ripostuar ‘cicërimën’ e Këshillit të Sigurisë Kombëtare.

Thank you again to @realdonaldtrump for the support to the dialogue between #Kosovo and #Serbia. The direct US engagement through @robertcobrien & @RichardGrenell has brought a new dynamic to the process and we look forward to its conclusion with mutual recognition soon. https://t.co/LZqq8VirFz

— Hashim Thaçi (@HashimThaciRKS) March 3, 2020