Tahiri: Është e turpshme se si një profiter politik e analfabet funksional guxon të flasë për vëllavrasje

Ish ministri i Drejtësisë Ableard Tahiri, e ka quajtur të turpshme deklaratën e kryetarit të Mitrovicës së jugut, Agim Bahtiri i cili kërcënoi me vëllavrasje.

Përmes një reagimi në Facebook, Tahiri ka thënë se të bësh ftesë për një luftë civile vëllavrasëse për shkak të pushtetit, është turpi më I madh.

Tahiri e ka quajtur profiter politik e analfabet funksional kryetarin e Mitrovicës, i cili sipas tij merr guximin të flasë për vëllavrasje për shkak të karrigës.

Reagimi i plotë i Agim Bahtirit :

Të bësh ftesë për luftë civile e vëllavrasëse për shkak të pushtetit, në një popull, vuajtjet e të cilit i ka markuar e s’do t’i shlyejë kurrë historia e njerëzimit për shkak të lirisë, është turpi më i madh që mund t’ia atribuojë vetës një person që ndanë bashkë me ne hapësirën e quajtur Kosovë.

Sot një profiter politik e analfabet funksional si Agim Bahtiri, merr guximin të flasë për vëlla vrasje për shkak të karriges së pushtetit. Ky iluzionist që ka deficite ndaj detyrës atëherë kur duhej e kërkohej, sot na fton të bëjmë një rrugë të ngjashme, veçse tash jo më ndaj armikut, por ndaj njëri-tjetrit.

Agim Bahtiri dhe Albin Kurti duhet ta kuptojnë se Kosova nuk është pjellë e fantazisë diktatoriale e fashiste të kujtdo që i teket, por është atdheu ynë për të cilin dhamë më të shtrenjtën që kishim, dhe të cilën e kemi obligim deri në frymën e fundit, ta ruajmë për të sotshmen dhe të ardhmen e fëmijëve tanë. Dhe pa asnjë dyshim, do ta ruajmë.

Turp e përtej turpit.