Shpend Ahmeti njofton 5 masat që ka marrë Prishtina për të parandaluar Koronavirusin

Kryetari i Komunës së Prishtinës, Shpend Ahmeti, ka shkruar në llogarinë e tij në Facebook se në bazë të rekomandimeve të IKSHP-së komuna të cilën e udhëheq  vazhdon t’i marrë masat parandaluese specifike rreth koronavirusit COVID19.

Ahmeti është shprehur se gjatë vikendit do të dezinfektohen hapësirat e ndërtesave të Komunës së Prishtinës, dhe të gjithë punëtoret e sporteleve do të pajisen më maska, dorëza dhe dezinfektues.

Ai tregon se nga nesër shkollat dhe çerdhet do të pajisen me material higjenik.

Tutje thotë se Komuna e Prishtinës do t’i pezullojë tubimet dhe evenimentet publike ku pritet të këtë më shumë se 50 njerëz, dhe njofton se pezullohen takimet me palë në drejtorinë e urbanizmit dhe investimeve kapitale që nuk janë më urgjencë.

Kryetari Ahmeti ka kërkuar të mos krijohet panik por vëtëm kujdes.

Postimi i plotë:

Në bazë të rekomandimeve të përgjithshme të IKSHP, Komuna e Prishtinës vazhdon me masat parandaluese specifike rreth virusit COVID19.

1. Gjatë vikendit do të dezinfektohen më detajisht hapësirat e ndërtesave të Komunës së Prishtinës ku ka sportele dhe shumë punë me palë.
2. Që nga nesër të gjithë punëtorët e sporteleve të Komunës së Prishtinës do të pajisen me maska, dorëza dhe dezinfektues.
3. Që nga nesër shkollat dhe çerdhet furnizohen me material higjienik shtesë sipas nevojës deri në një vendim të radhës për çerdhet dhe shkollat.
4. Komuna e Prishtinës pezullon lejet për tubimet dhe evenimentet publike (promovime, tubime ne sheshe) ku pritet pjesëmarrja e më shumë se 50 personave. Këtu përfshihen aktivitetet qe kërkojnë leje nga Komuna për te zhvilluar aktivitetin.
5. Po ashtu njoftoheni se pezullohen takimet me palë në drejtoritë e urbanizmit dhe investimeve kapitale që nuk janë me urgjencë.

Komuna vazhdon me ofrimin e të gjitha shërbimeve.

P.S. pa panik, vetëm kujdes e parandalim