Përpjekja për ta rrëzuar bin Salmanin? Flasin princërit sauditë në mënyrë anonime

Arrestimet dramatike të dy princërve të lartë sauditë ndodhën pas diskutimesh mes dy burrave për përdorimin e trupit procedural, që udhëhiqej nga njëri prej tyre, për të bllokuar qasjen te froni për princin e kurorës Mohammed bin Salman, nëse monarku i fundit vdes apo bëhet i paaftë për të mbretëruar.

Tri burime kanë konfirmuar për The Guardian se arrestimet e Princit Ahmed bin Abdul Aziz, i vetmi vëlla i plotë i mbetur i Mbretit Salman, dhe i ish princit të kurorës, Mohammed bin Nayef, ishin urdhëruar pasi detajet e bisedës së tyre të pretenduar kishin dalur në gjykatën mbretërore.

Arrestimi i dy burrave ishte drejtuar nga Mohammed bin Salman, e të cilin ata donin ta margjinalizonin përmes një aleance në këshill, një trup i vendosur në vitin 2007 që siguron tranzicionin e qetë të pushtetit nëse një mbret apo një princ kurore vdes, shkruan The Guardian, përkthen Periskopi.

Këshilli kishte qenë instrumental në sigurimin e Mohammed bin Salmanit si princ kurore në vitin 2017, kur i kishte fituar 31 nga 34 votat, duke e rrëzuar Mohammed bin Nayefin nga linja e trashëgimtarit të fronit.

Ndërkohë, edhe Princi Ahmed besohet që ishte një ndër kritikët e mëdhenj të princit të kurorës. Ata do të përballen me akuza për tradhti, megjithëse ka raportime në Rijad se të tilla akuza mund të mos bëhen për t’i shmangur trazirat e mundshme.

Dy burime kredibile të Guardianit kanë thënë se komploti kishte ndodhur për t’u munduar që ta bënin Princ Ahmedin si drejtues të këshillit, një pozicion që aktualisht është vakant.