PDK-ja mbledh kryesinë, kërkon seancë të jashtëzakonshme pas kërcënimeve amerikane

Partia Demokratike e Kosovës pritet të mbajë sot në ora 16:00 mbledhje urgjente të Kryesisë për zhvillimet e fundit politike në vend.

Burime brenda PDK bëjnë të ditur se menjëherë pas mbledhjes së Kryesisë do të ketë konferencë për media.

I njëjti burim ka treguar se në mbledhjen e Kryesisë së PDK do të vendoset për thirrjen e Kuvendit në seancë të jashtëzakonshme dhe për këtë tashmë PDK ka nisur mbledhjen e nënshkrimeve të deputetëve.

Këto zhvillime të reja nga partia më e madhe opozitare vijnë pas cenimit të raporteve Kosovë-SHBA që po ndodhin si pasojë e mosdëgjimit të kërkesave të tyre nga ana e kryeministrit Albin Kurti.