Ndjekje si në filma në Elbasan: Shoferi braktis makinën dhe ikë (VIDEO)

Gjatë mbrëmjes së sotme në Elbasan policia është përfshirë në një ndjekje si nëpër filma e cila e alarmuar është vënë në lëvizje me shpejtësi.

Një makinë Tip Audi nuk i është bindur urdhrit të policisë, duke shtuar shpejtësinë për tu larguar, dhe për të mos i ndaluar patrullës.

Menjëherë forca të shumta policie janë vënë në ndjekje të mjetit, të cilin kanë mundur ta ndalojnë në lagjen “Vullnetari” të qytetit të Elbasanit por pa mundur të ndalojnë drejtuesin.

Drejtuesi sapo ka ndaluar makinën e ka braktisur duke u larguar në arrati.

Policia ka sekuestruar mjetin në të cilin ka ushtruar kontroll të imtësishëm, dhe ka shpallur në kërkim autorin që theu urdhrin e policisë.