Ministri i Shëndetësisë në Maqedoni: Ndeshja me Kosovën duhet të luhet pa shikues

Shkaku i koronavirusit ndeshja Maqedoni – Kosovë mund të zhvillohet pa prezencën e publikut. Këtë e tha ministri i shëndetësisë në Maqedoni, Venko Filipçe i cili madje propozoi që ndeshja të zhvillohet pa shikues.

“Sa u përket ndeshjeve sportive, unë personalisht mendoj se të gjitha ndeshjet sportive përfshi edhe ndeshjen Maqedoni-Kosovë ne duhet të jemi të kujdesshëm dhe të luhet pa publikë. Sepse në ndeshje të këtilla, ka mysafirë edhe nga jashtë”, tha Filipçe.

Ndeshja mes Maqedonisë dhe Kosovës është planifikuar të luhet më 26 mars në Shkup në arenën Todor Proeski./Zyrtare.net/