Mbyllen të gjithë kufijtë tokësor të Maqedonisë së Veriut

Qeveria ka ndërmarrë masa shtesë në mbledhjen e sontme në lidhje me situatën me koronavirusin, njofton SHENJA.

Ministri i Shëndetësisë, Venko Filipçe informoi se janë mbyllur të gjithë kufijtë tokësor të shtetit.

“Qeveria sonte vendosi të mbylen të gjitha vendkalimet kufitare në Maqedoninë e Veriut për kalim të shtetasve të huaj, udhëtarë dhe automjete, përveç kalimit tranzit të maunëve, të përfaqësuesve diplomatik dhe për persona të tjerë për të cilët MPB-ja do të japë leje me kërkesë të Shtabit kryesor për menaxhim me Krizat i cili do të vlerësojë se ekziston interes i veçantë shtetëror ose ekonomik”, tha Filipçe.