Haki Abazi shkruan status për Koronavirusin: Nuk e ofendon askënd

Zëvendëskryeministri i dytë i Qeverisë në dorëheqje, Haki Abazi, sapo e ka publikuar një status në profilin e tij në Facebook, e në të cilin shkruan ato gjëra që secili prej nesh veçse i dinte – por, duke dashur që ndoshta të rriste alarmin e qytetarëve me këto mesazhe të përsëritura. 

Abazi fillimisht alarmon për numrin e lartë të të prekurve e të të vdekurve në Itali dhe në ShBA, duke krahasuar më pas këto të dhëna me ato që janë deri tash në Republikën e Kosovës.

“Ne në Kosovë duhet të jemi krenarë se si e kemi menaxhuar këtë pandemi deri më sot,” – shkruan Abazi, ndoshta duke dashur që të vjedhë ndonjë votë aty-këtu edhe për Qeverinë Kurti. Në fakt, pandemia nuk menaxhohet por lufta kundër përhapjes së kësaj pandemie. Dhe po ashtu, Kosova – në këtë rast për fat të mirë – nuk mund të krahasohet me të dhënat gjeografike e demokrafike me vendet si ShBA-të, Italia po edhe Kina.

Abazi më pas kërkon edhe respektim të masave të ndërmarra nga Qeveria Kurti, duke shpjeguar se këto masa ishin bërë nga respektimi i jetës së qytetarëve. Këto masa janë rekomanduar që të merren nga Instituti Kombëtar i Shëndetit Publik, shkruan Periskopi.

Sidoqoftë, ajo që lë përshtypje të mirë në këtë status është se aty nuk ndodhet asnjë fjali fyese ndaj askujt – në këto kohë me polarizime të shumta politike. Abazi javën e kaluar kishte qenë shumë i zënë në sulmet ndaj ish partnerit qeveritar, LDK-së, me theks të veçantë kundrejt Isa Mustafës dhe Avdullah Hotit.

Më poshtë e keni statusin e tij të plotë në Facebook:

Të dashur miq,

Mbi 10,000 njerez kanë vdekur në Itali dhe mbi 2000 në SHBA deri tani, si rezultat i infektimit me COVID-19. Të dy vendet kanë sistem shumë të zhvilluar shëndetësor e me resurse njerëzore, financiare dhe informacion për pacientet me sëmundje kronike. Dhimbja është e madhe, e shifrat janë alarmante.

Ne në Kosovë duhet të jemi krenar se si e kemi menagjuar këtë pandemi deri më sot. Kjo është arritur duke u falënderuar të gjithëve në vijë e parë të frontit: Personelit mjekësor, farmaceutëve, policisë, FSK, prodhuesve e shitësve, furrtarëve, pastruesve të rrugëve, punëtorëve në KEK dhe ujësjellesit e qyteteve, institucioneve të qeverisë së Republikës së Kosovës, duarve që po ziejnë e po bëjnë ushqimin.