Grenell tjetër mesazh të fortë Kurtit: S’mund t’iu ndihmojmë përderisa taksa po e dëmton Kosovën

Përmes një postimi të ri në Twitter, Grenell ka thënë se Uashingtoni është i fokusuar në zhvillim ekonomik dhe hapjen e vendeve të reja të punës, dhe se sipas tij këto pika janë neglizhuar deri më tani në fazat më të hershme të dialogut, shkruan lajmi.net.

Por, Grenell ka thënë se taksa po vazhdon ta dëmtojë Kosovën, dhe se sipas tij SHBA-të s’mund të ndihmojnë në këtë aspekt përderisa tarifa është në fuqi.

Në fund ai ka thënë se Kosova dhe Serbia do të pajtohen vet për zgjidhjen përfundimtare, jo Uashingtoni.

“Uashingtoni është i fokusuar për zhvillim ekonomik  dhe vende pune. Ne besojmë se kjo pjesë është injoruar në dialog. Por, ne nuk mund të ndihmojmë qeverinë, kur taksa po vazhdon ta dëmtojë Kosovën. Ata duhet ta heqin atë. Po ashtu, problemet politike do të zghidhen nga dy palët, jo nga Uashingtoni”, ka shkruar Grenell.