Futën në karantinë mjekët dhe infermierët që i shërbyen gruas së prekur me koronavirus në Durrës

Mjekët dhe infermierët të cilët janë kujdesur për zonjën 73-vjeçare nga Durrësi e cila rezultoi e prekur nga koronavirusi janë vendosur në vetëkarantinë.

Atyre u janë kryer të gjitha analizat përkatëse për të parë nëse janë prekur nga koronvirusi.

Ndërkohë në spitalin e Qendres Spitalore dhe Universitare në Tiranë ndodhen edhe babë e bir të dy të infektuar nga koronavirusi pasi kishin pak ditë që ishin kthyer nga Italia.

Po në QSUT gjendet edhe një person tjetër.

Ndërkohë gjashtë familjarët e babë e bir, ndodhen të vetëkarantinuar në shtëpi nën mbikëqyrjen mjekësore.

Deri më tani, sipas të dhënave nga Ministria e Shëndetësisë janë të infektuar 10 persona ndërkohë që numri i tyre pritet të rritet nga dita në ditë.