Epidemiologu serb: S’ka raste të të infektuarve me Coronavirus në veri të Kosovës

Epidemiologu i specializuar në Institutin e Shëndetit Publik në veri të Mitrovicës, Aleksandar Antonijeviq, thotë se situata në veri të Kosovës është e qetë për momentin dhe askush nuk ka Coronavirus.

“Ne jemi në kontakt të vazhdueshëm me epidemiologë nga e gjithë Serbia dhe rrethina dhe e kemi marrë seriozisht situatën, e që është edhe rekomandimi ynë për qytetarët pasi është mënyra e vetme për të luftuar epideminë”, tha ai për ” Radio Mitrovica Sever” (Radio e Mitrovicës së Veriut) dhe shtoi se Ekipi i menaxhimit të krizave janë të përgatitur të përgjigjen plotësisht nëse rastet pozitive për “Covid 19”.

Ai beson se “deklarimi i një pandemie nga Organizata Botërore e Shëndetit është një alarm i mjaftueshëm për kujdes”.

Epidemiologu thekson më tej se po ndjekin udhëzimet e Institutit të Shëndetit Publik të Serbisë “Milan Jovanoviq Batut” dhe kanë bashkëpunim të shkëlqyeshëm me institucionin e autorizuar të referencës “Torlak”, i cili kryen analizën e mostrave të dërguara për analiza.

Deri më tani, sipas tij, janë testuar rreth 20 pacientë të dyshuar për virus por asnjë prej tyre nuk ka qenë pozitiv.