Edi Rama: Nëse e bëjmë idenë e Albinit na hidhet mbi qafë Brukseli e Washingtoni

Kryeministri i Shqipërisë, Edi Rama, ka folur për një medium kosovar të quajtur T7 e në të cilën ka shprehur qëndrimet e tij politike.

Ai ka komentuar edhe idenë e kryeministrit kosovar, z.Albin Kurti, i cili përmendi në vizitën në Tiranë idenë e MakroShengenit shqiptar

“Për një ide të tillë i kemi në kurriz edhe Washingtonin, edhe Brukselin,” tha ai, përcjell Periskopi.

Kryeminstri shqipriot deklaroi se ShBA-ja dhe BE-ja i frikësoheshin idesë së bashkimit të shqiptarëve pas heqjes së kufirit.

Rama ka vazhduar ta mbrojë idenë e Shengenit Ballkanik, duke deklaruar se ai e ka bindur presidentin serb Vuçiq që ta pranojë këtë ide.