Djali i presidentit të Amerikës: Koha që t’i kthejmë trupat amerikane nga Kosova

Ndërkohë, Senatori amerikan, David Perdue, ka thënë se ShBA-ja duhet ta rikonsiderojë prezencën e saj në Kosovë, nëse nuk hiqet taksa nga Qeveria e Kosovës ndaj mallrave serbe dhe atyre të BeH.

Perdue në një postim  në Twitter, ka shkruar se për më shumë se dy dekada, forcat amerikane kanë ndihmuar në ruajtjen e paqes në mes të Kosovës dhe Serbisë.

Ai thotë se tani me përparimin historik që është bërë mes dy shteteve, është në dorë të Kosovës që të bëjë pjesën e vet, si dhe të shfuqizojë tarifën e vendosur ndaj Serbisë.

“Për më shumë se dy dekada, forcat amerikane kanë ndihmuar në ruajtjen e paqes mes Kosovës dhe Serbisë. Tani, me progresin e bërë historik, Kosova duhet të bëjë pjesën e vet dhe të shfuqizojë të gjitha detyrat e vendosura ndaj Serbisë. Nëse Kosova nuk është plotësisht e përkushtuar për paqe, atëherë SHBA. duhet të rishqyrtojë praninë e saj atje”, ka shkruar ai.