Dhunohet seksualisht gruaja nga Lipjani një ditë para 8 marsit

Mbrëmja e kaluar ishte horroriale për një grua nga Lipjani e cila raportohet se është sulmuar seksualisht. Madje, nga rasti ajo përfundoi në Spitalin e Shtimes ku i duhej të merrte trajtim mjekësor. 

Për këtë rast të tmerrshëm ka njoftuar Policia e Kosovës përmes raportit 24 orësh, ku ka njoftuar se edhe është arrestuar një i dyshuar.

Me vendim të prokurorit, i njëjti është dërguar në mbajtje.

“Viktima femër K-Shqiptare raporton se është sulmuar seksualisht nga i dyshuari mashkull K-Shqiptar dhe e njëjta është dërguar për tretman mjekësor në Spitalin e Shtimes. I dyshuari është arrestuar dhe i njëjti me vendim te prokurorit, dërgohet në mbajtje”, thuhet në raport.