Deklarohen zyrtarët e Telekomit: Ftuam Policinë që të hetojë për një rast mashtrimi

Policia e Kosovës sot ka kryer një bastisje në Telekomin e Kosovës.

Menduh Abazi nga Telekomi i Kosovës në një prononcim ka thënë se rasti ka të bëjë me një mashtrim prej 105 mijë e 840 euro të një shtetasi nga Maqedonia e Veriut.

I dyshuari ka përdori dokumente të falsifikuara për një kontratë lidhur me ofrimin e disa shërbimeve.

“Telekomi i Kosovës ka iniciuar kallëzim penal për dyshimin për mashtrim, muaj më parë. Në momentin që ne kemi vërejtur dyshimin kemi ftuar organet kompetente, të cilët kanë ardhur dhe kanë zhvilluar hetimet. Sot policia ka kryer pjesën e vet të tyre, ka ardhur dhe ka marrë informacionet. Krejt kjo është një punë e jonja në përpjekje për të mbrojtur kompaninë publike. Është hera e parë që ne iniciojmë një rast të tillë dhe është shumë për të ardhur mirë që shumë shpejt ka ndodh kjo, ne kemi qenë vet iniciues dhe bashkëpunues. Mbi 100 mijë euro është dëmi për dyshimin për mashtrim. Në fund të vitit të kaluar ka ndodhur kjo. I dyshuari ishte arrresuar në Ferizaj, është shtetas i Maqedonisë”, ka thënë ai.