Chelsea, Man Utd dhe Liverpool mësojnë çmimin e Sanchos

Forma e mirë e yllit të Borussia Dortmund, Jadon Sancho, do të detyrojë Manchester Unitedin, Chelseas ose Liverpoolin të thyejnë rekordin e transferimeve në Premierligë, nëse dëshirojnë nënshkrimin e talentit anglez.

Sipas Bild, vlera e 19 vjeçarit është rritur në 140 milionë euro, pas shfaqjeve të jashtëzakonshme këtë sezon, me 17 gola dhe 18 asistime në 33 ndeshje në të gjitha garat.

Skuadra angleze si Chelsea, Manchester United dhe Liverpool janë të lidhura me Sanchon, që te Dortmund është transferuar nga Manchester City.

Kujtojmë se rekordin për transferimin më të shtrenjtë në Premierligë e mban Manchester United, kur në vitin 2016 për 105 milionë euro ka transferuar Paul Pogban nga Juventus./Lajmi.net/