Çfarë është futbolli pa tifozë? Një video emocionuese vjen nga Bundesliga

Të mërkurën, në ndeshjen e vlefshme për xhiron e 21-të të kampionatit gjerman, Borussia Monchengladbach mundi Kolnin 2:1, në përballjen e zhvilluar pa tifozë.

Derbi lokal u zhvillua pa tifozë shkaku i rrezikut të përhapjes së koronavirusit. Ishte ndeshja e parë në histori të futbollit gjerman, të lanësuar në vitin 1963, që një ndeshje luhet pa tifozë.

“Ishte e merzitshme të luash pa tifozë. Të luash në atmosferën e duhur është arsyeja pse fëmijët fillojnë të luajnë futboll. Të gjithë ne, si fëmijë, ëndërronim të luanim para një stadiumi të mbushur me njerëz”, tha një prej futbollistëve, përcjell lajmi.net.

Në një video të publikuar në mediet gjermane, duket e trishtueshme për të parë se si Breel Embolo përpiqej të festonte në stadiumin e zbrazur.

“A duhet të luhet futbolli pa tifozë, apo është koha t’i përfundojmë garat”, thuhet në videon e përgatitur nga media gjermane.

Pas ndeshjes, lojtarët e Monchengladbach dolën tek një pjesë e stadiumit, për t’i përshëndetur tifozët që në numër të madh po qëndronim jashtë stadiumit.

Kujtojmë se Bundesliga ka vendosur t’i mbyll stadiumet për tifozët shkaku i koronavirusit.

What is football without fans? #Coronavirus has given us small a glimpse… pic.twitter.com/w9EJdLeBSf

— DW Sports (@dw_sports) March 12, 2020