Barcelona humb durimin me Dembele – ka një vendim për lojtarin

Dembele vinte me shumë bujë te skuadra katalane, por asnjëherë nuk përmbushi potencialin e tij dhe pritshmëritë që tifozët kishin për të.

Herë-herë francezi pati paraqitje të mira, por lëndimet e shumta i pamundësuan atij që të prek maksimumin e formës.

Lojtari edhe së fundmi ka qëndruar jashtë fushave të blerta, dhe tashmë Barca duket se ka humbur durimin me të.

‘AS’ shkruan se kampionët e La Liga janë të gatshëm që ta shesin lojtarin qysh në merkaton e verës, transmeton lajmi.net.

Një nga opsionet e Barcës mund të jetë që ta përdor lojtarin edhe si pjesë këmbimi në një ofertë të mundshme për Neymar JR.

Katalanët nuk kanë caktuar akoma një çmim për lojtarin francez. /Lajmi.net/