Analisti Vela: Seanca për mocionin mund të mbahet edhe jashtë sallës së Kuvendit

Analisti Blerim Vela, thotë se seanca e Kuvendit për shqyrtimin e mocionit të mosbesimit ndaj Qeverisë, mund të mbahet edhe jashtë selisë së Kuvendit të Kosovës.

Ai tha se seanca nuk mund te mbahet ne selinë e saj (sallen e seancave plenare) pasi qe është drejtperdrejt ne kundërshtim me rekomandimin aktual te Institutit Kombëtar te Shëndetësisë Publike.

“Megjithatë, neni 4 i Rregullores se Punës se Kuvendit te Kosoves lejon mbajtjen e takimeve te Kuvendit, duke përfshirë edhe seancen plenare, jashte selise se Kuvendit“, ka thënë Vela.

Postimi i plotë i Blerim Velës

mund te mbahet seanca e Kuvendit per shqyrtimin e mocionit te mosbesimit ndaj qeverise?

Seanca e Kuvendit te Kosoves lidhur me shqyrtimin e mocionit te mosbesimit ndaj qeverise nuk mund te mbahet ne seline e saj (sallen e seancave plenare) pasi qe eshte drejtperdrejt ne kundershtim me rekomandimin aktual te Institutit Kombetar te Shendetesise Publike (me 21 mars 2020 IKSHP rekomandoi “qe ne menyre rigoroze te mbahet distanca sociale per 2 metra nga njeri tjetri”). Ky rekomandim vlen edhe per Kuvendin dhe deputetet. Salla e seances plenare ne seline e Kuvendit nuk i ploteson kushtet per te qene ne perputhje me rekomandimin e IKSHP-se.

Megjithate, neni 4 i Rregullores se Punes se Kuvendit te Kosoves lejon mbajtjen e takimeve te Kuvendit, duke perfshire edhe seancen plenare, jashte selise se Kuvendit. Ceshtja tani eshte se a mundet Kryesia e Kuvendit dhe administrata e Kuvendit te gjejne nje hapesire, te mbyllur apo te hapur, qe ploteson kushtet per pjesemarrjen e deputeteve, anetareve te qeverise, punetoreve te administrates se Kuvendit dhe mediave. Gjithsesi, rreziku ndaj shendetit te deputeteve dhe gjithe pjesemarresve tjere nuk mund te menjanohet 100%, thjeshte sepse nuk ka kapacitete per te siguruar kushte te punes adekuate sipas rekomandimeve te IKSHP-se.

Kjo situate e paprecedent per Kosoven lehte mund te tejkalohet nese deputetet nenshkrues te mocionit terhiqen me njoftimin se te njejtin do ta procedojne sapo te perfundon kriza me #Covid19.